Ш.Уәлиханов атындағы Көкшетау университеті жанындағы көпсалалы колледжінің ұлағатты ұстазы, ұрпақтың ұлы мұраты жолында талмай еңбек етіп, кәсіби аманатты биік ұстаған ұстазымыз, тарих пәнінің оқытушысы Омар Ғабділмәжит Елемесұлының 60 жылдық мерейтойы аталып өтті. Ұлағатты ұстаздың мерейлі жасына арналған кештің алғы құттықтау сөзін Ш.Уәлиханов атындағы Көкшетау университетінің ректоры Марат Қадырұлы Сырлыбаев ашып, Ғабділмәжит Елемесұлын төсбелгімен марапаттады. Колледж директоры Уаисов Рысбай Базарбайұлы жүрекжарды тілегін білдіріп, «Құрмет грамотасын» табыстады. Сонымен қатар, шара барысында бірге оқыған курстастары және шәкірттері тарапынан толасыз құттықтаулар айтылды. Жиын соңын бүгінде мерейлі белеске шыққан, туған күн иесі Ғабділмәжит Елемесұлы баршаға өзінің шексіз алғысын айтып қорытындылады. Бүгінгіде шәкірттерінің санасына білім сәулесін шашып жүрген құрметті ұстазымызға мықты денсаулық, отбасына амандық, жас ұрпақ тәрбиелеу жолындағы игі істеріне үлкен абырой, шығармашылық табыстар тілейміз!!